یابانچی رومانی اوچون، اورمیهده مراسیم کئچیریلدی
بو مراسیم، تحکیه درنه‌یینین عضولری و بیر نئچه اورمولو یازیچی و ژورنالیستین حضورو ایله کئچیریلدی. مراسیمده تحکیه‌نین مدیری اولان محمد صبحدل جنابلاری یابانچی رومانی حاققیندا و مترجم حاققیندا قیسا بیر چیخیش ائله‌دی.
مراسیمین داوامیندا یابانچی‌نین ترجمه ائدنی، حسین واحدی جنابلاری دا، کیتاب حاققیندا اؤز فیکیرلرینی و نظرلرینی پایلاشدی. بو مراسیم، ایکی حیکایه‌نین اوخونوب نظر پایلاشماسیندان سونرا سونا چاتدی.
دئمه‌لیییک «یابانچی» رومانی اورمیه‌نین بوتا نشریاتی‌نین واسطه‌سیله ایله چاپ ائدیلیب، ساتیش اوچون کیتاب بازارینا بوراخیلیبدیر.
اومود ائدیریک آذربایجان تورکجه‌سینده اولان رومان کتابلارینین چاپ ساییسی گونو-گوندن آرتاراق، ائلیمیزده اونلارا ماراق و علاقه ده چوخالسین. خاطیرلاتمالیییق حسین واحدی‌نین بوندان قاباق «سئوگی یولچولاری» آدیندان حیکایه توپلوسو ایشیق اوزو گؤرموشدور.
بو کیتاب، اورمیهده، «بوتا» یایین ائوی طرفیندن چاپ اولوبدور. کیتابی
الده ائتمک اوچون، اوخوجولار، بوتا نشریاتی ایله ارتباط قورا بیلرلر.
آدرس: اورمیه، میدان شهدا (بالوو دروازاسی)، خ حافظ ۲، مجتمع تجاری آذربایجان، انتشارات بوتا
تئلفون: ۰۴۴ – ۳۲۲۲۱۷۷۶
ایمیل: butanashr@gmail.com
ساتیش یئرلری:
اورمیه: خ ارشاد، داخل کتابخانه مرکزی اورمیه، نمایشگاه دایمی کتاب حمید واحدی
اورمیه: خ استادان، نبش کوی ۱۷ – شهر کتاب ۳۳۴۷۵۷۵۷ -۰۴۴
اورمیه: چهارراه مدنی (سیروس) – اول مدنی ۲ – کتابفروشی حامد ۳۲۲۳۴۷۹۴ – ۰۴۴
زنجان: کتابفروشی هیدجی: چهارراه انقلاب، باشگاه کوچه‌سی، پاساژ کسری، طبقه اول، پلاک۴۳
تبریز: کتابفروشی انور؛ فلکه دانشگاه تبریز – برج بلور – همکف حیاط ۰۴۱۳۳۲۵۱۸۴۱
دیلمان سایتی طرفیندن بو اثرین چاپینی تبریک دئییریک.
/خبرین سونو/
