خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

ایشسیز

یازار yazar :حسین واحدى
تاریخ:سه شنبه 16 خرداد 1391-01:47

ایشسیز

یازان: حسین واحدی

یولوندا گئدیب، دام- دووارا باخیردی. بیری دئییردی- بیری گولوردو. بیری ساواشیردی، بیری ماشینی ندا ماهنی آچیب، سسین اوقدر چوخالتمیشدی، ائله بیل اؤزگلره ایسته نیلن ماهنی لارینی یاییر. بیری هارای چكیردی گلین آپارین یئرآلمانین اوچ كیلوسو ایكی مین تومن و...

 آیخان ایسه ایره لى، گئدیردی. آنسیز، گؤزو بیر كاغیذا چارپدی، «ایكی نفر ساده ایشچی، قوتو باغلاماق اوچون ایسته ییریك، تئلفون نومره سی ایله آدرسینی ده»-یازمیشدی. سئوینیب تئز كاغیذی دوواردان قوپاردیب، موبایل ایله یازدیقلاری تئلفون سایی سینا زنگ آچدی. بیر خانیم تئلفون دا دانیشیب، صاباحیسی گونه آیخانا واخت وئردی. سحر تئزدن آیخان سئوینه-سئوینه یوخودان اویانیب ایشچی آختاران بیلدیریشی وئرن شیركته ساری یوللاندی...

آیخان شیركت ده، ایداری بؤلومونه گئتدی. ایچری گیریب اورداكی آداما: «ایش اوچون گلمیشم» دئدی. كیشى هئچ نه سوروشمادان، «پارتین وار؟»-دئیه سوروشدو!

 آیخان، «یوخ» جوابی وئردیگینده، كیشی، گؤزلرین بره لدیب، «ائله ده، سؤزو اوزالتمایاق، گوله-گوله، هله لیك!»-دئدی.



یازی تورو : حیكایه 

شیخ صفی كیمی؟ قارا مجموعه سى نه دیر؟

یازار yazar :حسین واحدى
تاریخ:دوشنبه 8 خرداد 1391-11:31

شیخ صفی كیمی؟ قارا مجموعه سى نه دیر؟

یازان: حسین محمدزاده صدیق




سلطان‌ شیخ‌ صفی‌الدین‌، ابوالفتح‌ اسحاق‌ بن‌ امین‌الدین‌ جبرائیل‌كلخوارانی‌ اردبیلی‌، اردبیل‌ شهری‌نین‌ یاخینلیغیندا یئرلشن‌ «كلخوران‌»كندینده‌، هجری‌ یئددینجی‌ عصرین‌ ایكینجی‌ یاریسیندا، بعضی‌آراشدیرمالارا گؤره‌ 650 - نجی‌ ایلده‌، دونیایا گلمیش‌ و 735 ه.ق‌(1334.م‌) ده‌ اردبیلده‌ وفات‌ ائتمیشدیر.

صفی‌الدین‌، اوشاقلیغیندا دینی‌ تربیت‌ گؤرموش‌، وقارلی‌ و متین‌ ومقید بؤیوموشدور. معتبر قایناقلاردا، اونون‌ بئشینجی‌ جدی‌ «فیروزشاه‌ قیزیل‌ باش‌» آدلانیر. فیروز شاهین‌ اوغلو عوض‌، عوضین‌ اوغلومحمد و محدین‌ اوغلو صلاح‌الدین‌، و اونون‌ اوغلو امین‌الدین‌جبرائیل‌، صفی‌الدینین‌ جدلری‌ ایدیلر.

شیخ‌ امین‌الدین‌ جبرائیل‌، «قوجا كمال‌ الدین‌ عربشاه‌ اردبیلی‌»نین‌مریدی‌ ایدی‌ و زمانه‌سی‌نین‌ تقوالی‌ عالیملریندن‌، اولان‌ اردبیلین‌یاخینلیغیندا «باری‌» كندینده‌ یاشایان‌ «جمال‌الدین‌ باروقی‌»نین‌عصمتلی‌ قیزی‌ «دؤلت‌ خاتون‌» ایله‌ ائولنمیشدیر. صفی‌الدین‌ اسحاق‌،بو عصمتلی‌ و تقوایا معروف‌ اولان‌ آنانین‌ بئشینجی‌ اوشاغی‌ ایدی‌. بوتقوالی‌ خانیم‌، صفی‌الدیندن‌ سونرا، ایكی‌ اوغلان‌دا دونیایاگتیرمیشدیر. امین‌الدین‌ جبرائیلدن‌ آلتی‌ اوغلان‌ و بیر قیزدوغموشدور. اونلارین‌ اوغلانلاری‌نین‌ آدلاری‌ بئله‌ دیر: محمد،رشیدالدین‌، اسماعیل‌، صفی‌الدین‌، یعقوب‌ و فخرالدین‌.


آردینی اوخو

یازی تورو : ادبی یازیلار 

من ایتن گون

یازار yazar :حسین واحدى
تاریخ:سه شنبه 2 خرداد 1391-10:36

من ایتن گون

Mən itən gün

 

یازان: ایساك بشویس سینگر(1)
Isaac bashevis singer




چئویرمن: حسین واحدی

منی تانیماق راحات ایش اولمالی. خیاواندا اوزون ایله گئن پالتو گئین بیر كیشی گؤردویونوزده، اوشاق قبیری باشماق آیاغیندا، چوخ بوزوشموش شاپقالی بؤرك باشیندا اولان، گؤزلوگونون بیر شوشه سی اولمایان، گونش ده ایسه چتیر گؤتورن بیر كیشی گؤردویونوزده، او منم، شك ائتمه یین: «پروفسور اشلمیل.»


آردینی اوخو

یازی تورو : چئویرمه 



  • یارپاق‌لارین ساییسی :
  • 1  
Related Posts Plugin for WordPress, Blogger...