اورمیه‌لی حالواچی حسین مظلوم
حاج حسین رحمتلیک بایرام قاباغیندا چوخلو مدرسه لرین یوخسول اوشاقلارینا یاردیم ائدردی. بعضی‌لری ایسه ایلی باشا- باش، توکانینا گلیب یاردیم آلاردیلار. بوسؤزلر اونون اؤلوموندن سونرا دیلدن-دیله دوشموشدور.
او رحمتلیگینین توکانین قاباغی چیلله گونونه نئچه گون قالاندان شهرین هر یئریندن داها باساراق اولاردی. اورمیه‌لی‌لر حسین مظلوم حالواسینی آلماق اوچون ساعاتلارجا سیرادا دایاناردیلار.
اونون شاگیردلرینین دئدیگینه گؤره او شاگیردلرینه تاپیشیراردی: "همیشه مشتری‌یه ساری ساتین، همیشه خئیر ایشلرده اولون و...".
اونون اوشاغی اولمادیغی اوچون باجی اوغلوسو جناب "سعید مظلوم فر" اونون ساغ قولو اولوبدور. ایندی ایسه سعید بی اونون توکانینی دولاندیریب، دایی‌سینین آدینی دیری ساخلاماغا چالیشیر.
رحمتلیک حسین مظلوم 1380 جی ایلین، زورمار [شهریور] آیینین، 31 ده، سونای[سئوگی گونو] گونون گؤزللیگی اولان گون، دونیا ایله ویداعلاشیب سون منزیله آیاق قویور.
او دونیادان کؤچندن سونرادا اونون تاپیشیردیغی اوچون خئیر ایشلر توکان دان کسیلمه‌ییب دیر.
اونون حؤرمتینه هله‌ده اورمو خالقی چیلله گونو حسین مظلوم حالواسینی آلماغا ساعاتلارجا قیشین سویوغون چکمه‌یه حاضیردیلار.
