خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

کیتاب تانیتیمی/ قاشقا

یازار yazar :حسین واحدى
تاریخ:جمعه 4 دی 1394-07:23

297 صحیفه‌لی "قاشقا" سؤزلوک کیتابی, گؤزل بیر جیلید ایله ده بزه‌نیب دیر. کیتابین اوز قابیغیندا قاشقایی ائلینین کولتوروندن آیریلماز اولان آت سیمگه‌سینین شکیلی قویولوب. قابیغین اوبیری اوزنده ایسه قاشقایی قادینلاری خالچا توخوماغا مشغولدورلار.

کیتابین گتیریلن لهجه, گچساران قاشقایی لرینین لهجه‌سی اوزره‌دیر. حؤرمتلی یازار بوقونو دا کیتابدا بئله یازیب دیر:

"گچساران شهرینده مختلف قاشقایی طایفالاری واردیر. دئمک اولار بو شهر قاشقایی ائلینین مرکزی شهری ساییلیر. بونا گؤره طایفالارین هامیسی زامان اوزره, بیر-بیری ایله ائولیلک قوروب اؤزل بیر دیل ایله کولتور یارادیبلار. بو اوزدن گچساران دا دانیشیلان قاشقایی تورکجه‌سی‌نی کیتابا سئچمیشم".

کیتابین یازاری

اوشاقلیغیندا تورک دیلینین قالارگی حیکایه‌لری ایله بویا-باشا چاتان "عبدالحسین مهیاری" (ششبلوکی قشقایی)  بی, 1337ده امیدیه شهرینده دونیایا گؤز آچیبدیر. سونرا ابتدایی ایله اورتا تحصیلاتینی گچساران بیتیریب دیر. ششبلوکی ایله فارسیمدان طایفاسیندان اولان یازار, سونرالار خوزستان, کهگیلویه, فارس, اصفهان ایله البرز ایالت لرینده ده کؤچوب یاشاماغی تجروبه ائدیبدیر. سونوندا کرج ده ساکین اولاراق اوردا امکلی اولوب دور. قشقایی جنابلاری, ایران دا تحصیل آلسادا, آلمانا گئدیب بعضی تخصصی اؤیرنمه لری ده اؤیرنیب دیر. دیرلی یازار بو کیتابدان اؤنجه سگگیز جیلید, ماشین دزگاهلاری اوچون مختلف کیتابلاری یازیبدیر.

"قاشقا" کیتابینی آلماق اوچون:

یایین تئلفونو:

09390521950

یازارین ایمیلی:

hoseinmahyari@yahoo.com



یازی تورو :  



Related Posts Plugin for WordPress, Blogger...