خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

ایستانبول شرق ماهنی‌سی

یازار yazar :حسین واحدى
تاریخ:جمعه 4 دی 1394-07:34

اوزاقدان میناره‌لر شاهانه باخیرلار دنیزده بالیق توتان بالیقچیلارا. اوفوقلاردا عشقی آختاریرلار اونلار. عشق گلسین، بو گؤزللیگه عشق دادی قاتسین.

نه گؤزل اولور رؤیالاریم. بئله گؤرورم ایستانبولومو من. اورمودان اونو منیمسه‌ییب اونلا یاشاییرام. تبلئت‌یمین ساعاتی ایکی یئری گؤستریر، طاهران-ایستانبول! منیم عشق شهریمی!

اورمودا خیام خیاوانی، یام یاشیل باغلار، اورمو گؤلو، تورکجه‌میز و ایستانبول‌دا تقسیم مئیدانی، گؤم-گؤی تپه‌لر، دنیز و ایستانبول تورکجه‌سی یاشاییر. نه گؤزل اولور بونلاری بیلیب ایکی شهر بیر عشق ایله یاشاماق.

جانیم ایستانبول ایکی قاره‌نین سینیری! آوروپالی ساییلساندا منیم اوچون آسیا عشقی‌سن. و سن کؤرپو اولوبسان ایکی قاره عشقینه. عشق اولسون سنین بو گؤزل عشقینه ائی شانلی ایستانبول.

باش اوجا قال ایستانبول...باش اوجا قال.

 ***

ایران-  غربی آذربایجان – اورمیه – حسین واحدی

İstanbul şərq mahnısı

Hüseyn Vahidi



یازی تورو :  



Related Posts Plugin for WordPress, Blogger...