عاغیللى ایت
عاغیللى ایت
یازان: جبران خلیل جبران
چئویرن: حسین واحدى
بیر گون بیر عاغیللی ایت بیر سورو پیشیک یاینیندان کئچیردی. اونلارا یاخینلاشیب، پیشیک‌لرین بیر-بیرلری ایله مشغول اولوب اونو سایمادیقلارینى گؤرنده، دایاندى!
او آن، سورونون ایچیندن بیر قابا و قورخمالى پیشیک قاباغا گلیب دئدى: "آى قارداشلار دوعا ائدین، هر زامان دوعا ائتدینیز، یئنه دوعا ائتدینیز و یئنه دوعا ائتدینیز و ائتدینیز، اوندا، سیچان یاغیشینین یاغماسینا امین اولون."
ایت بونو ائشیدیب، اوره‌گینده گولوب، پیشیک‌لردن اوز چئویریب دئدى: "آى آخماق پیشیک‌لر، دئمک یازماییبلار، من له آتالاریمیزدا بیلمه‌میشیک، دوعا، اینام ایله عبادت اوچون، سیچان یوخ، آنجاق سوموک یاغار."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سؤزلوک:
سورو: دسته/گله
قابا: درشت
اینام: ایمان
بلکه!
بلکه!
بیر بنده آللاهدان سوروشدو:
منیم آلین یازیمی یازیبسان سا، ندن دوعا ائدیم؟
تانرى دئدى: بلکه یازمیشام هرنه دوعا ائتسه...
رؤیا
رؤیا
آی
یاتیردی، گونش ایسه یئره چاتیردی، خوروز بانلیردی، چایلار شاریلداییردی، كؤرپه
لرین سسی یئر- گؤیو دالیردی، قاریشقالار داغلاری آشیردی، گونه باخان لار گونشین
دالیجا قاچیردی، گؤزل قیز ساچلارین داراغا آلیردی، آنا پنجره دن باخیردی، قاری ننه
شال توخوردو، سئوگیلیلر نغمه اوخوردو. اوغلان، باسارقدا اؤزون اوتوبوسا سوخوردو،
اوتوبوسلا شهرینه قونوردو، عسگرلیكدن دؤنوب ائولرینه گئدیردی... آناسی، دوعا
ائدرك، قاپی اؤنونده، بالاسینی گؤزله ییردی..
یازان:حسین واحدی
