دوْستوم و كتاب!
یازار yazar :حسین واحدى
تاریخ:شنبه 4 آذر 1391-05:37
دوْستوم و كتاب!
مرحوم حمید آرش آزاد
احوالی اوْلور خراب
چون‌كی بو بئچارانین
یادینا دوشور كباب!
***
دوْستوم، ماشینا میندی
كتاب ائوینده یئندی
یئددی ساعت آختاریب
تاپدی بیر «فالِ هندی»!
***
دوْستوم‌دا وار چوْخ هُنر
یاخشی كتاب بگه‌نر
دئیه‌ر: «كاش موْبول كیمی
بوندادا اوْلا فنر»!
***
دوْستوم عالّمه بنزه‌ر
گئدیب، بازاری گزه‌ر
جیلدی گؤیچه‌ك كتاب‌لار
آلیب، دئكورا دوزه‌ر!
***
دوْستوم باش اگمه‌ز پولا
دئیه‌ر «كتاب چوْخ اوْلا»
آنجاق صفحه‌سین آچماز
قوْرخار رنگی پوْزولا!
***
دوْستومون وار اوْیونو
سئوه‌رم حال- خویونو
ایسته‌سه كتاب آلسین
اؤلچه‌جك ان- بوْیونو!
***
دوْستوم، قهرمان دوْستوم!
سؤزومو اینان، دوستوم!
بو كتاب‌لار اوْلانماز
فاطی یا تومان، دوْستوم
قایناق: اهراب نیوز
یازی تورو :
شعر
آچار سؤزجوک‌لر:
کتاب
باخیشینی یاز Baxışını yaz(1)
[cb:post_like]
