گول ساتان
یازار yazar :حسین واحدى
تاریخ:جمعه 4 دی 1394-05:16
گول ساتان
آی گول ساتان هایانداسان؟ گل توكانا. «سونای گلیر» گول باغلا سئوگیلیمه. آی گول ساتان، باغلا قیرمیزی قیزیل گوللری. سئوگیلیم منی گؤزله ییر. گول لری بَزه. عطیرلی گول قوی، قوخوسو داغیلسین یوللارا، بیلسین هامی، «سونای» گلیب دیر. گول وئرك سئوگیلیمیزه، گول ساتان هایاندا قالدین؟ یامان داریخدیم، تئز آچ توكانی!
یازان: حسین واحدی
باخیشینی یاز Baxışını yaz(0)
[cb:post_like]
كریم گول اندام (اورمولو شاعیر) شهامت-له دانیشیقدا: گنج لریمیز، فایداسیز تعصب لاردان اوزاق قالمالیدیرلار
یازار yazar :حسین واحدى
تاریخ:شنبه 3 دی 1390-09:15
كریم گول اندام (اورمولو شاعیر) شهامت-له دانیشیقدا:
گنج لریمیز، فایداسیز تعصب لاردان اوزاق قالمالیدیرلار
دانیشیغی آپاران: حسین واحدی
اینترنتده
گزنده، شاعیرین وبلاگین گؤروب، اونو مصاحبه یه دعوت ائتدیم. نئچه گوندن
سونرا تماس لاشیب مصاحبه گونونه واخت آییردیق. عزیز شاعیریمیز صمیمیت و
اورك دولو سئوگی ایله نشریه میزین دفترینه گلدی. دانیشیق لاری صمیمی،
یارالی و دوشونجه لی ایدی و ایسته میردیك سوزونو كسیب سوال لاریمیزی
سوروشاق. كریم گول اندام بَی، اورمیه نین دیرلی شاعیرلریندن دیر و بیزه
وظیفه دیر
بئلنچه اینسانلاریمیزی همیشه یوخلاییب كوتله میزه داها آرتیق تانیتدیراق.
اومود ائدیرم بو دانیشیق سیز حؤرمتلی اوخوجولاریمیزا فایدالی اولسون.
لوتفن اؤزونوزو بیزیم عزیز اوخوجولاریمیزا تانیتدیرین.
من گول اندام كریم، علی اوغلو، 1326-دا اورمو شهرینده آنادان اولموشام. اورمو شهری دئینده منه چوخ اؤنملیسی اونون سسلنمه سیدیر. بیر دؤوره رضائیه اولوب، سونرا ارومیه، آمما نهایتده اورمیه دوزدو. اور سؤزوندن اورفا (توركیه ده)، اور (عیراق دا)، اوردوباد (آذربایجان جومهوریتینده)، اوروق (قازاقیستاندا)، اورومچی (چین ده) و اورمیه (ایراندا). تاریخ ده بورا اورمیه اولوبدور و «واو» حرفین دییشمكله تاریخی ایتیریریك. منده بو اوزدن اورمو-دا دوغولموشام.
اورتا مدرسه نی اورمیه ده بیتیرمیشم. عالی تحصیلاتی تئهرانین حوقوق فاكولته سینده قورتارمیشام. بانكدا چالیشماغا باشلاییب، 10 ایلدن سونرا یئنیدن آلینما (باز خرید) اولموشام. بیر موددتده آذربایجان جومهوریتینه كؤچوب نئچه ایل یاشایاندان سونرا، یئنیدن اورمویا قاییتمیشام. من اورادا تحقیقات و ادبیات ایله مشغول اولموشام. اقتصادی چتینلیك لره گؤره ده دوكتورا تئزیمی ساتمیشام.
روحوم، ووجودومومون بوتون ذره لری، وطن سئوگیسی ایله، اؤز یوردوم، دیلیمه و خالقیما و اؤز بؤیوك وطنیم ایرانا دولودور.
یازی تورو :
دانیشیق
آچار سؤزجوک‌لر:
گول
باخیشینی یاز Baxışını yaz(0)
[cb:post_like]
