اورمولو فوتوقرافچی، رحمتلیك اكبر عباسپور
رحمتلی عباسپور، 1380-جی ایلده عاییله قوروب، اونون نتیجه‌سیده آراز ایله آیلا آدیندا اوغلان ایله قیزی اولوبدور.
اكبر-ین بعضی مجوز آلمیش پوستئرلری چوخلو اورمیه‌لیلرین ائولری ایله توكانلارینین بزه‌یی اولوبدور. او شكیللردن، اورمونون بلدیه ایله میراث‌فرهنگی تیكینتیلرینین شكیللرینی آد چكمك اولار.
یاراشیقلی اورمولو فوتوقرافچی، بعضی خیریه مراسیملرده ده كؤنوللو اشتراك ائدیب اونلاردان شكیللر چكرمیش. آنجاق آتا-بابالاریمیز دئمیش‌كن، "یاخشی اینسانلار تئز تانری‌یا قوووشار".
رحمتلی اكبر عباسپور ایسه 1391-جی ایلین قیزاران (خرداد) آیینین 17سینده، جناب "جواد پورصمد" لا جناب "مهدی سعادت"، ایكی اورمولو پئشه‌كار عكاس‌لاری ایله بیرلیكده اورمیه‌نین گزملی "بند" بؤلگه‌سینین طبیعتیندن شكیل چكیب قاییداندا، موتورسیكلتینین زنجیری چیخیر، او ایسه دوشوب جاده قیراغیندا زنجیری سالاركن بیر تانیلماز نامرد، سورعتله اورادان كئچیب اونو ووروب قاچار، بو توققوشما نتیجه‌سینده اكبر دونیادان وداع ائدر.
روحو شاد اولسون
