بالکن‌داکی قیز /حیکایه‌جیک
- بوزو؟!
پروانه خانیم، بویان-اویانا باخیب کوچه دیبینده، تره سئچمکله مشغول اولان نئچه قونشونون، سئوینین دئدیگی سؤزو ائشتمه‌دیکلرینی بیلندن سونرا، یئنه یاواشجا سئوینه ساری باخیب دئدی:
- مادر بزرگ‌ون ائوده؟ قیز بوزو یوخ مادربزرگ؟
سئوین یئنه باش تاپماییب، "مادر بوزو، مادر بوزو دئیه‌دئیه بالکن‌دان اوتاغا قاچدی.
چوخ چکمه‌دی، سئوینین الیندن یاپیشیب اونلا بیرگه گلن آناسی بالکونا گئدیب پروانه خانیمی گؤروب دئدی:
- سلام پروانه خانیم. منی چاغیریسیز؟
پروانه خانیم چادیراسینی باشیندان گؤتوروب بیرده دوزعمللی باشینا اؤروتوب دئدی:
- یوخ حمیده باجی‌نی چاغیریردیم. سونرا آرتیردی: سئوینه دئدیم گئت ماردبوزورگویون چاغیر، گلیب سیزی چاغیریب؟
سئوینین آناسی اورکدن قاققیلداییب، گوله-گوله دئدی:
- اوزونوز گولسون پروانه خانیم، من‌ده دئییرم آللاه سئوین کیمدن بوزو سؤزونو اورگشدی؟ دئمه سیز دئییبسیز مادر بوزورگ، اودا دئییب بلکه دئییرسیز بوزو!
پروانه خانیم قاش-قاباق ساللاییب دئدی:
- وا؟ مادر بوزورگ هارا بوزو هارا؟ من اؤرگتمیشم نوه‌لریم منه دئیه مادر بوزورگ! دا ایندی بو زمانه‌دی دا...
سئوینین آناسی یئنه بوزو، بوزو دئین سئوینی سوسدورماغا چالیشارکن، پروانه خانیما دئدی:
- واللاه پروانه خانیم یادیما گله‌نی بیزلر یا خان‌ننه دئمیشیک یادا آبا، عزیز. ایندی ده بعضن بؤیوک ننه‌ده دئییریک.
پروانه خانیم یئس-ایفاده ایله یاشماغین دوداقلاریندا بورجودوب دئدی:
- بس بیز سیزدن باکلاس تریق!
سئوینین آناسی، چوخ سویوق قانلی‌لیق لا دئدی:
- واللاه بللی دی چوخ ترسیز، یاخینیزدا دوراندا آدام بونو داها یاخجی بیلیر! سونرا، سئوینی ایچه‌ری‌یه آپارارکن آرتیردی: آنام دا ائوده دئییل، گئدیب آلیش-وئریشه.
پروانه خانیم جاواب وئرسه‌ده بالکن‌دا کیمسه قالمامیشدی. یئس-قیافه‌سینی گؤتوروب اؤزو ایله ائوه آپاردی.
