خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

یاریار/حیکایه

یازار yazar :حسین واحدى
تاریخ:جمعه 4 دی 1394-07:30

یاریار

یازار: حسین واحدی


گونش، کیف‌توتموش شیشه‌لردن، اهمال-اهمال ایچه‌ری سوزوب، جانیما سیزیب، دامارلاردا تنبل‌جه دولانان قانیمی قیزیشدیریردی،کئچنکی یای گونلرینه تای. ماسانین اوستونده‌کی شیشه‌ده باش- گؤزومه باخیب، سحرچاغی شیرکته گلن امکداشلاریمین گولومسه‌مه‌لرینین نه‌ده‌نین باش تاپدیم. یوخودان دوروب تر‌تله‌سیک، باش-گؤزومه داراق چکمه‌دن سئرویسه مینیب، شیرکته گلمیشم دئمه. قاشلاریم ساواشدا، باش توکوم داغیناق!

 
آردینی اوخو

یازی تورو :  

بیر گؤزل گون

یازار yazar :حسین واحدى
تاریخ:جمعه 4 دی 1394-07:16


بیر گؤزل گون

اسلامی انقلابین ظفر گونلری مناسبت ایله بیرگه، غربی آذربایجانین ایش اداره سینین رئیسی ایله اورمیه نین تراکتورسازی شرکتینین طرفیندن "حسین واحدی"نین ادبی و فرهنگی چالیشمالاری ایله یاناشی، یازدیغی سئوگی یولچولاری آدلی ایلک کیتابینا گؤره دیرلندیریلدی.

بو گؤزل گونده (92/11/20) همده 950 آدلی ملی تراختوردان پرده گؤتورولدو.








آردینی اوخو

یازی تورو :  

كور كامئرالار

یازار yazar :حسین واحدى
تاریخ:جمعه 4 دی 1394-06:24

كور كامئرالار ...

یازان: حسین واحدی



اؤنجه، تبریك لر آذربایجان .... تبریك لر تراختورچولار

تراختور 1 ... پیروزی 0

اویون باشلامیشدی ... تراختور آخارلی اویون اویناییردی ... یانداش لاری ایسه اورك دن آلقیشلاییردیلار ... آنجاق شبكه 3 اونلاری و حتتا سس لرینی سانسور ائتمیش دی ... البته كئچن اویونلاردادا (تهران دا اولاندا) بو ایش وار ایدی و چوخ دا تعجب ائدیجی دئییل دیر ... كئچن دفعه لر كامئرا من لرین گؤزلوك لرینین بیر شوشه سی ( اودا شانس دان بیزیم یانداش لار اولان طرف ده كی) سینمیشدی!!!! بو سئری ده تهرانین هاواسی چیركلنمیش ایدی ... و یئنه شانس دان بیزیم یانداش لار اولان طرف اصلا گؤرونموردو...
... البته حاق دئیه بیر شئی وار ... اودا بو ظفر ایله دیریلدی ... كور كامئرامن لرین كور كامئرالاری گل دان سونرا ساغالدی و ... تراختورون شرفلی یانداشلاری گؤروندو... تبریك لر هامینیزا ... بو اویوندا قاراداغ زلزله سی ده خاطیرلادیلدی ...

تراختورون بوگونكو اویونوندا دقیقه 20 ده تراختورچولار كؤینك لرین چیخاردیب بیر سیمگه اولاراق زلزله فلاكتینی اونوتماریق دئدیلر...


بو قیز سئودا-دیر زلزله اولان یئرلرده سویوقدا یاشاییر..

(شیكللر: نیمچه روزنامه نگار وبلاگیندان)

بو اویونو توركجه راپورو ایله بورادان دینله یین ...



یازی تورو :  

ان یاخین یولداشیم كیتاب

یازار yazar :حسین واحدى
تاریخ:جمعه 4 دی 1394-06:12

ان یاخین یولداشیم كیتاب...


كیتابی سئونلرین هامیسی، كیتابی اؤزلرینه ان یاخین یولداش بیلرلر. و نه گؤزل! كیتاب عزیز اولسادا، ان یاخین یولداش اولسادا، خبرینیز اولسون، بو ایل اورمیه ده كئچیریلن ایللیك كیتاب سرگی سی (نمایشگاهی) لغو اولوب!
بو سرگی هر ایل خزل (مهر) اییندا اولاردی... تراختورون شرفلی یانداش لاری بئله واخت لار اوچون اورك سویودان بیر شوعار دئییب لر... عیبی یوخ!!


یازی تورو :  

تراختور-ون یئنى ماهنى سین یوکله یین

یازار yazar :حسین واحدى
تاریخ:جمعه 4 دی 1394-05:48

تراختور-ون یئنى ماهنى سین یوکله یین

گل-گل، محمد رضا رحیم پور-ون سسى ایله

Tiraxtur yığmasının yeni mahnısın yükləyin
oxuyan: Məhəmməd riza rəhim pur


یوکله Yüklə


قایناق

--------------------------------------------------------
بو ماهنى نى همراه اول ده پیشواز آهنگ سئچمک اوچون ماهنى کودو:
کد آهنگ پیشواز همراه اول محمدرضا رحیم پور گل گل تراکتورسازی

  • آدى: گل گل تراختور
  • اوخویان: محمدرضا رحیم پور
  • کد: 30362




یازی تورو :  

تراختور چوخ یاشا

یازار yazar :حسین واحدى
تاریخ:جمعه 4 دی 1394-05:24

یورو تیراختور!


نئچه گون اویونا قالاندان، اوره ییمه تیراختورونون اودماق قوشو قونموشدو. هر یئرده جومعه گونونون اویونوندان سؤز كئچیردی. هامی تیراختورون اودماسینی ایسته ییردی. اؤز- اؤزومه، بیردن اودوزساق نه ائده جه یم، دئییردیم. آمما اوره ییمین اوستونه قوناق اودما قوشو، منی بو قیدی-ویدیدان قورتاریردی.

جمعه گلیب یئتیشدی. سحر تئزدن یوخودان دورموشدوم. اوره ییم چوخ اسیردی. بوتون دوشنجه م، تیراختورون اویونونون یانیدایدی. سحر یئمه یین یئیر-یئمز، تیراختوردان خبر آلماغیم اوچون، گئتدیب بیلگی سایاریمی آچیب، اینتئرنئته باش چكدیم. اومود وئریجی خبرلری گؤروب ده، داها چوخ سئویندیم.

گون اورتادان سونرا گلیب چاتمیشدی. اوچونجو كانالدا تیراختور-پیروزی اویونونون باشلانماسیندان اؤنجه حاضیرلیق لار و دانیشیق لار آپاریلیردی. ایستادیوم دا كئچن ایللره گؤره یانداش آزییدی! آپاریجی چالیشیردی تئهرانلی پیروزی یانداشلارینی استادیوما چكسین! اولسون، عیبی یوخ، نه قدر یانداش چوخ اولسا، تیراختور اوچون یاخشی اولار، اودماق بیزه چوخ یاپیشار، دئییردیم.

... اویون باشلانمیشدی، كئچن كی تئهران اویونلارینا تای، تیراختور یانداشلارینین سس لرین كسمیشدیلر! اونلاری گؤرمه یه ده حسرت چكیردیك. هم سسیمیزدن همده اؤزوموزدن قورخورلارمی، دئییردیم... عیبی یوخ!!

... گـــــــــــــــــل ... تیراختور 1 پیروزی 0 ، اكبرپور زهرین تؤكدو. اوره ییم یئریندن چیخماق اوزره یدیر. ائوده هامی سئوینج پایلاشیردی. هامی دئییردی من بیلیردیم بوگون بیزیم گونوموز اولاجاق. یئنه مغرور اولماییردیم. دئییردیم: فوتبال دیر، اودوزادا بیله ریك، آمما یئنه او سؤیله دیگیم اومود قوشو، اوره ییمی راحاتلادیردی... و سونوندا آذربایجان اوددو...

تیراختور، چوخ گؤزل اویون آپاردی. بوتون تیراختور یانداشلاری سئوینج ایچینده یدیلر. او تایدان ماشین سازینیندا اودماغینین خبری داها چوخ آذربایجان فوتبال سئورلرین سئویندیردی و بو گون بیزیم گونوموز اولدو.. فوتبال دیر، هر نه اولا بیلردی، آمما بوگون یانداش لار تیراختورو یالقیز قویمادیق لاری اوچون یئنه بیز اودموشویدوق... یورو تیراختور، بیز قهرمانلیق ایسته ییریك.

یازان: حسین واحدی



یازی تورو :  



  • یارپاق‌لارین ساییسی :
  • 1  
Related Posts Plugin for WordPress, Blogger...