سئوگی یولچولاری / حسین واحدی
یازار yazar :حسین واحدى
تاریخ:جمعه 4 دی 1394-07:13
"سئوگی یولچولاری" کیتابیندان بیر پارچا
... سولماز، ائوه
دؤننده، اؤزونو، بولودلار اوستونده حس ائدیردى. آز قالیردى چیچگى چارتلاسین. آرزو ائدیردى، هئچ کیم اولمایان یئرده اولوب،
اورکدن، «سنى چوخ سئویرم، آیدین جانیم»-دئیردى. اونا، یئردن-گؤیدن، سئوگى
یاغیردى. گولومسه، بیر آن دا، دوداق لاریندان قاچمیردى. لئچک دن، آیدینین قوخوسون
حس ائدیردى...
کیتابین آدرسی:
http://huseynvahedi.ir/extrapage/sevgiyolculari
باخیشینی یاز Baxışını yaz(1)
[cb:post_like]
سن بیر گولونج
یازار yazar :حسین واحدى
تاریخ:جمعه 4 دی 1394-05:26
سن... من...
سن بیر گولونج،
من بیر دوداق.
سن كپنك،
من ده باغ.
سن جئیرانسان،
من اویلاق.
سن قاراسان،
منده آغ.
سن قایاسان،
منده داغ.
سن من-سن،
منده سن،
بیز سئوگی ییك،
شمع اولوب،
بیر گه یاناق،
عشق اولاق!
شعر: حسین واحدی
***
اویلاق: مأوی (یاشام یئری)
قارا: بورادا كؤلگه آنلامیندا دیر
باخیشینی یاز Baxışını yaz(0)
[cb:post_like]