رحمتلیک آشیق "علی علیزاده" نین خاطیرلا منی آدلی کتابی ایشیق اوزو گؤردو
ـــــــــــــــــــــــــــــــــــــــــــــــــــــــــــــــــــــــــــ
بو کتابین بیر بؤلومو دوستلار حسرتی آدینی داشیییر و او مرحوم اوستادین دوستلاری اونون اؤلوم خبرینی ائشیتدیکلرینده بو شعرلری یازیبلار.
بهرام اسدی
كؤچدو بیر
صنعتكار، گئتدی بیر آشیق
نیسگیلی
سازینین تئلینده قالدی
هر ماهنیسی
اولان ائله یاراشیق
ان گؤزل
ماهنیسی دیلینده قالدی
ائللرین
ایچینده ماهنیسی بیتدی
آخرت
دئیهرك سون سفر ائتدی
اللرین
اوستونده مزارا گئتدی
ائلی گؤز
یاشینین سئلینده قالدی
آی آشیق، تئز
ایدی گئدیش هوسی
قولاقلارا
دولدو سازین نالهسی
ائشیتمز
اولدوق او غیرتلی سسی
سسینین
حسرتی ائلینده قالدی.
فریده
سلیمانی((آیتکین)):
شاعرلر كؤچنده
فانی دونیادان
فرقتینده
قالان ائللر آغلایار
هنر
باغچاسینین گولو سولاندا
باغبان
كدرلنر، گوللر آغلایار
بولبوللر
گولوندن آیری اوچاندا
نؤوراغی
پوزولوب گولدن قاچاندا
صنعتكار
هجراندان صحبت آچاندا
بولودلار
قارالار سئللر آغلایار
سهو ائدیر
اجلدن شفقت اومان
آیدین
حقیقته كیمدی گؤز یومان
آشیغیندان
آیری دوشسه بیر زامان
ساز سوسار
»آیتكین« تئللر آغلایار.
احمد اسدی:
ائل آشیغی نه
تئز گئتدین
سنسیز
گؤزوم لئیسان آغلار
كؤچركن بیزی
ترك ائتدین
كؤنلوم
ائیلر فغان آغلار
ائلینله
اوتوروب دوردون
بو ائلده
مجلسلر قوردون
فراقیندا
اودلار یوردون
دردلی
آذربایجان آغلار
باش اگیرم بو
انسانا
فخر ائدیب
آذربایجانا
فانی جسمیم
قالسین یانا
باخ بو
روح-روان آغلار
آشیق بیر ده
ساز آلایدین
آلیب
قوینونا چالایدین
احمد دئییر
كاش قالایدین
فراقیندا
گؤز قان آغلار.
آشیق سید
اسماعیل سیدساجدی:
آلدیم
قیشلاقلینین اؤلوم خبرین
اورهگیم
كؤورهلدی، گؤزلریم دولدو
سن بیر
بولبولایدین گولشن باغیندا
نه تئز
خزان ووردو گوللرین سولدو
شادلیقدا
اوخوردون هر واخت ائللره
سارانی
آپاران آخان سئللره
تمیز
اورهكلره، شیرین دیللره
آدین
داستان اولدو دیللرده قالدی
من سید آشیغام
چكرم زحمت
هر واخت
بؤیوكلره ائیلهیك حرمت
اوستادین
روحونا سیز دئیین رحمت
هامی
گئدهجكدی، بو بئله یولدو.
آشیق
علی عابدینی(علی یكانلی):
آللاه اؤلنلره
رحمت ائیلهسین
علی ده
رحمته قاریشدی گئتدی
اوستاد آشیق
كیمین گیردی میدانا
بیر آز
سؤزلریندن دانیشدی گئتدی
دوشدو
سینهسینه دویونلو داغلار
وفالی
سئوگیسی هر زامان آغلار
سارالدی
باغچالار، بولبوللر، باغلار
بولبولون
گولشنی ساویشدی گئتدی
بیر كیمسه
اولمادی قانا دردینی
بیر ساعات
الیندن آلا دردینی
سالدی
اورهگینه بالا دردینی
یوخسوللوق
اودوندا آلیشدی گئتدی
بو سؤزلری
دئدی یكانلی علی
امداد
ائیله بیزه یا مولا علی
دئسهلر نئج
اولدو قیشلاقلی علی
هنر
میدانیندا چالیشدی گئتدی.
آشیق
خدمت حاجیزاده:
اوزون یانسین
قارا تورپاق
نه تئز
آلدین جانی مندن
اسیرگهدین
یار-یولداشین
كسدین شهرت
شانی مندن
گؤزلریمین
نورون آلدین
قوللاریمین
زورون آلدین
یامان یئرده
تورا سالدین
آلدین
امتحانی مندن
دیواردان
آسیلدی سازین
آغلار
قالدی اوغلون، قیزین
زهر اولدو
دادین، دوزون
نیه كسدین
نانی مندن
آشیق خدمت،
آغلا پنهان
هامیا وار
بو امتحان
چال بیر تجنیس
كسمه دیوان
چالما دول
هجرانی مندن.
بیتاللَّه
سلیمی آوانسر:
آشیق، سنی
ایتیرندن
گن دونیانی
بیتیرندن
قوهوم-قارداش
آغلار قالیب
قبر ائوینه
گؤتورندن
آذربایجان
آشیغیایدین
ائل-اوبا
یاراشیغیایدین
گور سسین وار
ایدی سنین
الحق جانان
آشیقایدین
سازیندا بیر
داد وار ایدی
سؤزونده
مین آد وار ایدی
سن دونیانی
دگیشنده
ائلده
هارای-داد وار ایدی
آشیق دای آتا
مینمهدیك
یانیب كول
اولوب سؤنمهدیك
یایدا كؤچدون
یایلاقلارا
داها
قیشلاغا دؤنمهدیك
بیتاللَّه
سنه سؤز یازیر
سؤز
ایتیریر، هردن آزیر
فلك زامان
قازماسیایلن
گئجه-گوندوز
مزار قازیر
آشیق علی
علیزاده
مولام سنه
وئرسین باده
حق اؤزو محشر
گونونده
سنی هر آن
سالسین یاده.
