رحمتلیک آشیق "علی علیزاده" نین خاطیرلا منی آدلی کتابی ایشیق اوزو گؤردو
یازار yazar :حسین واحدى
تاریخ:جمعه 4 دی 1394-06:02
خاطیرلا
منی ...
رحمتلیك آشیق علی علیزاده نین
شعرلری
او مرحومون وفاتینین بیرینجی ایل دؤنومو عرفهسینده بیر مجموعهده
یایینلاندی. 302 صحیفه دن تشكیل تاپان بو كتاب،
خاطرلا منی آدینی داشیییر و او مرحوم آشیغین 300 قاطارا یاخین شعرینه شامل
اولور. بو مجموعه اورمولو شاعر ، آراشدیریجی،یازیچی و رحمتلیك آشیق علی
علیزادهنین یاخین یولداشی بهرام اسدینین زحمتلری ایله توپلانیب و چاپا
بوراخیلیبدیر.
اورمونون یاز نشریاتینین نشرلریندن
اولان بو كتاب، ساتیشی 8000 تومن دیر و یازنشریاتی ایله اورمونون حوزه هنری
ادارهسینین امكداشلیغی ایله یایینلانیب.
قئید ائتمهلیییك،
آشیق علی علیزاده 1330-جو ایلده
قاراداغین ورزقان بخشینین قیه قیشلاق كندینده آنادان اولوب. سونرالار
اورمویا كؤچوب و بو شهرده آشیقلیقلا مشغول اولموشدور. آشیق علی علیزاده
10/5/1390 تاریخینده اورهك دایانماسی(ایست قلبی) نتیجهسینده دونیاسینی
دگیشدی. او مرحوم ایران موسیقی فئستیواللارینین چوخونا قاتیلیب و چوخلو
مقاملاردا اله گتیرمیشدیر. اورمو رادیو و تلویزیونوندا موسیقی بؤلومونون
فعال شخصلریندن ایدی. آللاه رحمت ائیلهسین. آذربایجان ادبیاتی و فولكلورو
سئودالیلاری كتابی الده ائتمك اوچون یاز نشریاتی ایله گنج آشیقلار بلوقونا
گئده بیلرلر. ها بئله آشاغیدا اولان ایمیل و موبایل ساییسی ایلهده ایلگی
قورا بیلرلر.
یاز
نشریاتی: http://yaznashr.blogfa.com
گنج
آشیقلار: http://gencashiqlar.blogfa.com
ایمیل: yaznashr@gmail.com
موبایل:
09141477792
باخیشینی یاز Baxışını yaz(5)
[cb:post_like]