خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

فالچی / حیکایه /

یازار yazar :حسین واحدى
تاریخ:جمعه 4 دی 1394-07:22

فالچی

یازار: ایستئفانو بئننی

حاضیرلایان: حسین واحدی

 

گله‌جک‌دن خبر وئرن، کارتلا فالا باخان آد چیخارمیش فالچی آمئلیا, موشتری‌سینی ایش اوتاغیندا قارشیلاییر.

ماسا[میز] اوستونده اسکی[قدیم] مصر هئیکلجیگی، قارا پیشیک پیپپو[Pippo اوچ قوتو سیقار[سیگار] لا تاروت کارت‌لاری وار ایدی.

-  کسین باریتون بیر سسله آمئلیا دئدی.

موشتری فالچی‌نین دئدیگینی ائتدی.

فالچی آمئلیا اوچ کارت سئچیب یاواش-یاواش اونلاری اؤز قارشی‌سیندا آچدی.

-  بیرینجی کارت دئییر، بو ایلین مارت آییندا لوندونا، پاریسه و رومایا قورخونج سالدیریلار[هوجوم‌لار] اولا‌جاق, واشینقتونا دا, آتوم بومباسی آتیلا‌جاق.

کیشی اودقوندو.

 - ایکینجی کارت بئله دئییر، بیرلشمیش ایالت‌لرین ته‌پکی‌سی [عکس العملی] سونوجوندا [نتیجه‌سینده] دونیانین اوچده ایکی بؤلومونده فلاکت‌لی ایقلیمله ائشلیک [مشایعت] اولونا‌جاق, ایکی میلیارد اؤلونون اولاجاغی ایله اوچونجو دونیا ساواشی باش وئره‌جک.

کیشی باشینی قاشیدی.

 - اوچونجو کارت ایسه دئییر، ایندلیک‌ده دوشوندوگونوز قادین هله ده سیزی سئویر. او سیزه گئری دؤنه‌جک.

 -چوخ ساغ اولون، چوخ میننتدارام دئییب, اونون گؤزلری دئمک اولار ، یاشلا دولموشدو.

پولو اؤده‌دی و چیخدی. کوچه ایله گئدرکن اینسان‌لار، آغاج‌لار، گؤی, هر شئی اونا داها گؤزل و داها ایشیق‌لی گؤرسنیردی.


آردینی اوخو

یازی تورو :  



  • یارپاق‌لارین ساییسی :
  • 1  
Related Posts Plugin for WordPress, Blogger...