سنه اؤپوشمه‌یی من اؤیرتمیشم
آدلیم‌لارین مکتوب‌لاری
سنه اؤپوشمه‌یی من اؤیرتمیشم
آلئکساندر قریبویئدوو‌ون آروادینا مکتوبو
حاضیرلایان: حسین واحدی
آلئکساندر سئرگئیئویچ قریبویئدوو* روس شاعیری، یازیچی، دیپلوماتی. 1795-جی ایل یانوارین[ژانویه‌نین] 4-ده موسکوادا، ظابط[افسر] عائله‌سینده دونیایا گلیب.
تحصیل آلدیغی مدتده فرانسیز، اینگیلیس، ایتالیان، آلمان، داها سونرا یونان، لاتین، فارس، عرب و تورک دیل‌لرینه یییه‌له‌نیب [صاحب اولوب].
1827-جی ایلده تورکییه ایله ایران آراسیندا دانیشیق‌لاردا واسیطه‌چی کیمی چیخیش ائدیب. قریبویئدوو 1828-جی ایلده ایرانلا ایمضا‌لانان تورکمنچای موقاویله‌سی‌نین حاضیرلانماسیندا ایشتیراک ائدیب.
بوندان سونرا ایراندا رسمی سفیر تعیین ائدیلن قریبویئدوو ائله یئرلی ساکین‌لرین سفیرلییه هوجومو زامانی آمان‌سیزجا قتله یئتیریلیر. جنازه‌سی تیفلیسه آپاریلان قریبویئدوو بورادا مقدس داوید کیلسه‌سینده دفن اولونور.
آشاغیدا گلن مکتوبو، قریبویئدوو اؤلومون‌دن 45 گون اول ایرانین قزوین شهرین‌دن حیات یولداشینا یازدیغی مکتوبو تقدیم ائدیر.
قزوین ، دئکابیرین 14 –و ، میلاد آخشامی ، 1828-جی ایل .
اوروجلوق بازارلیغی
یازان: ندا عبدی
اوروجلوق آیینا آز قالیردی. آنام ایله بیرگه ائوده ایدیک. آنام؛ "قیزیم! منی باغیشلا. قیچیم آغریییر. آتایین دا، بازارا گئتمه یه واختی یوخدور. اوبیری باجی قارداشلارین دا گئدیب لر اؤز یاشاییشلارینین دالیسیجا. گئت بازاردان، اوروجلوق اوچون بیر آز یئر یئملی آل گتیر."-دئدی. اوزومدن کسمه دی آنامدان پول ایسته یم. پالتارلاریمی گئییب یولا دوشدوم. جیبیمه باخمیشدیم. اللی دنه ایکی مین تومنلیک واریم ایدی.
یولدا فیکیرلشیردیم, بو پولنان نه لر آلا بیلرم؟ دویو، ات، لپه، نوخود، ماش، یئرآلما، یومورتا، کره، پنیر... . بونلار منیم بئیینیمده او یان- بو یانا قاچیردیلار! آنسیز (ناگهان) تاکسی اؤنومده ساخلادی!
-دئدیم. "بازار آغزی"
باشینین ترپتمه سی ایله "مین" دئدی.
بازار آغزیندا یئنیب, هر نه دن قاباق اعظم مسجیدی نین قاباغینا گئتدیم. اؤز-اؤزوم له "ایندی بورادان دویوینن ات آلیب، پولومون قالانینا دا گؤروم نه لر آلا بیلرم..." دئدیم!
قصاب توکانینا گئتدیم. قیمت لره مات قالمیشدیم! ایکی کیلو ات آلا بیلدیم. قالانینا، "اوبیری لری آلارام"- دئدیم. بئله لیک له بازارلیق ائدیب، بازاردان چیخدیم. اعظم مسجیدینین قاباقیندا، دووارا دایاندیم. الیمه باخدیم. ایسته دیک لریمین یاریسین دا آلا بیلمه میشدیم!!
خیابانین اوبیری الینده، جماعات سیرادا (نوبت ده) دورموشدولار. بیلمه خیاللاشدیم یقین تویوق آلماق اوچون سیرالانیبلار!!
الیمده کیلری یئره قویدوم. جیبیمده ایکی مین پول قالمیشدی. بیر آز گئتدیم خیابانا ساری. بیر تاکسی سوروجوسونه؛ "آغا ایکی مین تومن دوققوزپلله" دئدیم.
تاکسی چی قبول ائدیب, من دئین یئره گلدی.
یئره باخدیم! هئچ نه یوخویدو... من بؤش یئره باخیردیم... سوروجو منه...
آدینی كیشی قویدوم
آدینی كیشی قویدوم ...
یازان: حسین واحدی
نئچه واخت دیر، فیكریمی قارما- قاریشیق ائدیب دیر. هر یئرده اولورام بو فیكیری، باشیمدن آتا بیلمه ییرم. هردن اؤز- اؤزومله، سنین بو ایش ایداره سینین قانونونو اساسیندا آلدیغین آیلیق ایله كئچینمك راحات دئییل. بونلار نه اومود ایله چالیشیرلار؟! اولمایا باشلارینی می آلدادیرلار؟!!
ایش ایداره سینین قانونوندا تعریف اولونموش حددیندن نئچه قات آشاغی پول وئرمك آیلیق می دیر؟ نه دیر؟ بونلاری ایشله دنلرین اینصافینا نه گلیب دیر؟!! سونرا باخیب، اینصافین اولمادیغینی گؤروب، هئچ نه یی دوشونمورم!
سؤز، بو قادین خالقیندان گئدیر. آدلاری قادین دیر دئیه، ایسته دیك لری معاشی وئریرلر. اوشاق لار باخجاسیندا، بازار-دا، ساتیش توكانلاریندا، مطبوعات دا، ...! هاردان دوشدو (كیشی لردن نئچه قات آز) آیلیق وئریلیر. بیر ساده حئساب- كیتاب لا، او پول، گئت- گل پولو ایسه اولماییر! هاردا قالسین بیر یاشاییش هزینه لرین ایداره ائتسین. عاییله لر ایسه بو ایش ده سوچلو گؤرونورلر. او پوللارا ایشله مه مك، ایشله مكدن داها صرفه لیدیر. اونلاری بو پول ایله چالیشدیرانلارا نه دئمك اولار؟ آدلارینی نه قویماق اولار؟ نه دئیك اونلارا؟! یالنیز «گئت خوش اول، آدینی كیشی قویدوم!» -دئییرم.
